26 okt 14:37
Yangiliklar

Dzyudo

Davlat Bobonov chorak final ostonasida to'xtatildi

"Katta Dubulg'a" turnirining -90 kg vazn toifasidagi bahslarida yurtimiz sharafini himoya qilayotgan yoshlar o'rtasida Osiyo chempioni Davlat Bobonov uchinchi davrada mag'lubiyatga uchradi.

Dzyudochimiz chorak final ostonasida vengriyalik tajribali sportchi, shu yili Yaponiyada o'tgan Jahon chempionatida 5-o'rinni egallagan Kristian Tottga oltin ochko uchun kechgan bahsda yutqazib qo'ydi. Tott va Bobonov o'rtasidagi bellashuv o'ta murosasiz kechganini alohida takidlash joiz.

+100 kg vazndagi dzyudochimiz Alisher Yusupov birinchi davrada Toshkent Gran-pri turnirilarining kumush va bronza medali sohibi, avstriyalik tajribali polvon Daniel Allerstorferni mag'lub etgandi. Ikkinchi davrada amaldagi Osiyo o'yinlari g'olibi, shu yil Parijda o'tgan "Katta Dubulg'a" turniri g'olibi, Osiyo-Okeani chempioni, koreyalik Kim Sang Minga yutqazib qo'ydi.