Davlat Bobonov ham final chiptasini qo'lga kiritdi

Muhammadkarim Hurramovdan so'ng Davlat Bobonov ham final ishtirokchisiga aylandi. -90 kg vazn toifasidagi dzyudochimiz reytingning 4-pog'onasidan joy olib turgan kubalik Ivan Felipe Morales Silvani muddatidan avval mag'lubiyatga uchratishga muvaffaq bo'ldi. 

Bobonov reytingda 37-pog'onadan joy egallaganini inobatga olsak, bu dzyudochimiz uchun katta muvaffaqiyat. U ham Muhammadkarim Hurramov singari kamida kumush medalni naqd qildi. Lekin yuqorida aytganimizdek bizga Dyusseldorf turnirining oltin medali kerak!