23 fev 16:21
Yangiliklar
Dzyudo
Davlat Bobonov qozog'istonlik kuchli raqibini engdi
Dyusseldorf "Katta Dubulg'a" turnirining so'nggi uchinchi kungi bellashuvlari hamyurtlarimiz uchun muvaffaqiyatli davom etmoqda.
Hozirgina -90 kg vazn toifasidagi dzyudochimiz Davlat Bobonov ham ikkinchi g'alabasiga erishdi. Ilk davrada tojikistonlik Sirotullo Ikromovni ippon bahosi evaziga taslim etgan Bobonov ikkinchi bosqichda Gran-Pri va "Katta Dubulg'a" turnirlari g'olib hamda sovrindori qozog'istonlik Islam Bozbaevdan ham ustun keldi.
Endi Davlat Bobonovni jiddiy sinov kutib turibdi. U yoshlar o'rtasida ikki karra jahon chempioni, gruziyalik polvon Lasha Bekauriga qarshi tatamiga chiqadi. Bekauri ikkinchi bosqichda latviyalik raqibini mag'lub etishning uddasidan chiqdi.
Havola :
Manba : olamsport.com
Fikrlar