Davlat Bobonovni tabriklaymiz!

Davlat Bobonov 1997 yil 7 iyun kuni Navoiy viloyati Nurota tumanida dunyoga kelgan. Samarqand viloyat ixtisoslashtirilgan sport internatida o'qigan. Samarqand davlat universitetida tahsil olgan. Murabbiyi - Nurali Qobilov. 

Yosh bo'lishiga qaramay, hozirgacha aytishga arzigulik yutuqlarga erishgan. 2016 yilda yoshlar o'rtasidagi Osiyo chempionatining oltin medalini qo'lga kiritgan. O'sha yili Toshkent Gran-prisida ham zafar quchdi. 2020 yilda "Katta Dubulg'a" turkumiga kiruvchi Dyusseldorf turniri g'olibiga aylandi. Avvaliga Budapesht shahrida o'tgan jahon chempionatining kumush, keyin esa Tokio Olimpiadasining bronza medali sovrindori bo'ldi. 

-90 kg vazn toifasida Olimpiya o'yinlari chempioni bo'lgan terma jamoamiz bosh murabbiyi Ilias Iliadis tom manoda Bobonovning yangi qirralarini ochishga erishdi. U Osiyo o'yinlaridan tashqari qolgan barcha musobaqalarda g'olib va sovrindor bo'ldi. 

Fursatdan foydalanib, Davlat Bobonovni bugungi unutilmas kun bilan muborakbod etamiz.