Deontey Uaylder bir yillik tanaffusdan so'ng qaytmoqda: "Yana hukmronlikni qo'lga olish uchun qaytyapman

Amerikalik bokschining so'zlariga ko'ra, u Tayson Fyuriga mag'lub bo'lganidan keyin mashg'ulotlarga o'zgartirishlar kiritgan.

"Bugungacha biz 400 raunddan ortiq sparring o'tkazdik. Yig'in yaxshi o'tmoqda. Las-Vegasda joylashgan jamoaga Don Xausni qo'shdim. Uslubni o'zgartirishga harakat qilyapman. Keling, nima bo'lishini ko'ramiz. Og'ir mashg'ulotlar tanangizga tasir qilishi mumkin. Ammo sizning jismoniy va ruhiy holatingiz yaxshi bo'lsa, hech qanday muammo bo'lmaydi", — dedi Uaylder.

SHuningdek, Uaylder chempionlik kamarini qaytarib olish niyatida ekanligini malum qildi.

"Mening faoliyatim ajoyib edi. Yana hukmronlikni qo'lga olish uchun qaytyapman. O'tgan yillarni va hozirgi holatga qanday etib kelganimni eslash g'alati. Endi janglarimda ko'plab yangi narsalarni guvohi bo'lasiz", - deya qo'shimcha qildi Uaylder.

Eslatib o'tamiz, 15 oktyabr kuni Uaylder Xeleniusga qarshi ringga ko'tariladi.