Deputat O'zbekiston taekvondo ITF Milliy associaciyasiga vice-prezident etib saylandi

O'zbekiston “Milliy tiklanish” demokratik partiyasi tomonidan ham aholini jismoniy tarbiya va sportga keng jalb qilish, ular o'rtasida sog'lom turmush tarzini ommalashtirish, unut bo'lib borayotgan milliy sport o'yinlarini qayta tiklash, ular asosida sport musobaqalarini tashkil etish orqali yoshlarda milliy qadriyatlarimiz, urf-odat va ananalarimizga hurmat tuyg'usini shakllantirish borasida bir qator ibratli ishlar amalga oshirib kelinyapti.

Ushbu yo'nalishdagi ishlarning samaradorligini oshirish maqsadida partiyaning Toshkent shahar kengashi hamda O'zbekiston taekvondo ITF milliy associaciyasi o'rtasida hamkorlik Memorandumi imzolandi. Memorandumni imzolashdan ko'zlangan asosiy maqsad – aholi, xususan, yoshlar o'rtasida taekvondo ITF sport turini ommalashtirish, zararli odatlardan voz kechish, xotin-qizlar o'rtasida “Sog'lom turmush tarzi” sport musobaqalarini tashkil etish borasidagi ishlarni hamkorlikda amalga oshirishdan iborat.

O'zMTDP Toshkent shahar Kengashi raisi, Xalq deputatlari Toshkent shahar Kengashi deputati Otabek Jiyanboev O'zbekiston taekvondo ITF milliy associaciyasiga vice-prezident etib saylandi.

O'zbekiston taekvondo ITF milliy associaciyasi bilan imzolangan Memorandum asosida hamkorlikda o'tkaziladigan tadbirlar, sport musobaqalari yurtimizda ushbu sport turining yanada rivojlanishiga hissa qo'shishi shubhasiz.