Devid Benavides: "Birinchi og'ir vaznda bitta yirtqich bor va u - men!"

Bu taklif avstraliyalik bokschining bugun Las-Vegasda bo'lib o'tgan "Zuffa Boxing" oqshomida WBC chempioni Noel Mikaelyan ustidan qozongan g'alabasidan so'ng yangradi.

G'alabadan so'ng Opetayya Benavidesni ringga chorladi va qo'riqchilar biroz ikkilanishgan bo'lsa-da, uni ichkariga kiritishdi. CHempionlar bir-biriga nisbatan juda hurmat bilan munosabatda bo'lishdi.

"Men uni hurmat qilaman, u boksda ko'p ajoyib ishlarni amalga oshirdi. Men u bilan ringda to'liq hurmat saqlagan holda uchrashmoqchiman. Keling, buni amalga oshiramiz", — dedi Opetayya Benavidesga. Devid Benavides esa darhol asosiy masalaga o'tdi.

"Keling, bu jangni kelasi yili tashkil qilamiz. Kelasi yil "Sinko de Mayo"da (5 may, Meksika bayrami), — deya taklif qildi Benavides. — Qarshimda ajoyib, kuchli jangchi turibdi, lekin bu divizionda faqat bitta yirtqich bo'lishi mumkin va u — menman! Bu yigit ajoyib jangchi, biz muxlislarga zo'r jang taqdim etamiz. Menga bu yigit yoqadi. Ko'rinishidan, u ham men kabi jang qilishni yaxshi ko'radi".

Joriy yilda Benavides birinchi og'ir vaznda chempionlik kamarlarini aynan Meksikaning eng yirik bayramlaridan biri — "5 may" arafasida qo'lga kiritgan edi. Bu sana ilgari Saul "Kanelo" Alvaresning janglari uchun ajratilgan bo'lardi.

Mikaelyanga tegishli bo'lgan WBC kamarining taqdiri hali nomalum. Katta ehtimol bilan, Benavides ushbu kamar uchun jang qiladi, chunki WBC avvalroq Mikaelyanga Benavidesga qarshi majburiy himoya jangini tayinlagan edi, biroq Mikaelyan Opetayya bilan jang qilish uchun shartnoma imzolab yuborgandi.