18 noy 10:44
Yangiliklar

Boks/MMA

Devis va Garsiya kelishib olishdi, jang manzili ham aniq

Ikkinchi yarim engil vaznda jahon chempioni Jervonta Devis hamda amerikalik Rayan Garsiya o'zaro jang o'tkazish bo'yicha kelishuvga erishishdi.

Bu haqda Garsiya o'zining ijtimoiy tarmoqdagi sahifalari orqali xabar berdi. Jang 2023 yilning 7 yanvar kuni AQSHning Nevada shtati Las-Vegas shahrida bo'lib o'tadi.

"Nihoyat, bu jang amalga oshadi. Bu haqda sizga xabar berayotganimdan bag'oyatda xursandman. Men juda ko'p ishlayapman, hozir faoliyatimning yuqori cho'qqisidaman va dunyoning buyuk bokschisi bo'la olishimga ishonaman. Kelajak bugundan boshlanadi", — dedi Garsiya.

O'z o'rnida Devis ham ijtimoiy tarmoqdagi sahifalari orqali o'quvchilariga murojaat qilib, Garsiya bilan jang masalasida kelishib olganini elon qildi.

Avvalroq, taniqli promouter, olti vaznda sobiq jahon chempioni Oskar de la Xoyya ham Devis - Garsiya jangi yuzasidan kelishuvga kelingani haqida aytgan edi.