26 avg 09:47
Yangiliklar

Dzyudo

Diyora Keldiyorova 62 soniyada g'alabaga erishdi

Xabar berganimizdek, Tokio shahrida dzyudo bo'yicha kattalar o'rtasidagi jahon chempionatining ikkinchi kungi bahslari davom etmoqda.

Hozirgina -52 kg vazn toifasidagi vakilamiz Diyora Keldiyorova ikkinchi g'alabasiga erishdi. Kadetlar o'rtasida jahon, kattalarda Osiyo chempioni bo'lgan yurtdoshimiz ikkinchi bosqichda ozarbayjonlik Gultaj Mamadalievani 1 daqiqa 2 soniya ichida ippon, yani sof g'alaba bilan mag'lub etdi.

Ilk bosqichda portugaliyalik Joana Diegoni ham ippon bahosi bilan mag'lubiyatga uchratgan Diyora birozdan so'ng yaponiyalik kuchli raqib Uta Abega qarshi tatamiga chiqadi. Abe biroz avval braziliyalik Larissa Pimentadan ustun kelgandi.