Diyora Keldiyorova jahon chempionati finalida + FOTOGALEREYA

Dunyoning 107 davlatidan dzyudochilar ishtirok etayotgan nufuzli musobaqaning ilk kungi saralash bellashuvlari yakunlanib, kechki dasturda medallar uchun tatamiga chiqadigan sportchilar malum bo'ldi. 

Quvonarlisi, final dasturida hamyurtimiz Diyora Keldiyorova ham bo'ladi. -52 kg vazn toifasida yurtimiz sharafini himoya qilayotgan Diyora finalgacha barcha saralash bellashuvlarini muddatidan avval yakunlashga muvaffaq bo'ldi. 

U Ana Viktoriya Puliz (Xorvatiya), Sofiya Fiora (Argentina), Binta Ndiaye (SHveycariya) hamda Hibiki SHiraishi (Yaponiya)ni mag'lub etishni uddaladi. Endi Keldiyorova jahon chempionatining oltin medali uchun italiyalik Odette Gyuffridaga qarshi tatamiga chiqadi. 

Odetta 1/2 finalda Tokio-2020 Olimpiadasining kumush medali sovrindori, franciyalik Amandin Bushardan ustun kelgan. Diyora va Odette bir-birini juda yaxshi biladi. Ular o'tgan yili Baku "Katta Dubulg'a" turniri finalida ham uchrashishgan va o'shanda Keldiyorova g'alaba qozonib, chempionlik shohsupasiga ko'tarilgan edi.