26 avg 11:37
Yangiliklar

Dzyudo

Diyora Keldiyorova Jahon chempionatidagi yurishini to'xtatdi

Xabar berganimizdek, Tokio shahrida idzyudo bo'yicha kattalar o'rtasidagi jahon chempionatining ikkinchi kungi bahslari davom etmoqda.

-52 kg vazn toifasidagi vakilamiz Diyora Keldiyorova uchinchi uchrashuvini o'tkazdi. Kadetlar o'rtasida jahon, kattalarda Osiyo chempioni bo'lgan yurtdoshimiz yaponiyalik kuchli raqibi Uta Abega ippon bahosi evaziga imkoniyatni boy berib, jahon chempionatidagi ishtirokini yakunladi.

Eslatib o'tamiz, Diyora Keldiyorova avvaliga portugaliyalik Joana Diego, keyin esa ozarbayjonlik Gultaj Mamadalievani ippon, yani sof g'alaba evaziga mag'lub etgan edi.