17 fev 17:14
Yangiliklar

Dzyudo

Diyora Keldiyorova kechki dasturda bronza medali uchun tatamiga chiqadi

Tel-Aviv "Katta Dubulg'a" turnirining birinchi kungi saralash bellashuvlari o'z yakuniga etib bormoqda.

Biroz avval -52 kg vazn toifasida yurtimiz sharafini himoya qilayotgan kadetlar o'rtasida jahon chempioni Diyora Keldiyorova o'tish bahsida germaniyalik Masha Balhausni ippon bahosi evaziga mag'lubiyatga uchratdi.

Endi Diyora kechki final dasturida Tel-Aviv "Katta Dubulg'a" turniri bronza medali uchun tatamiga chiqadi. Uning raqibasi vengriyalik Reka Papp bo'ladi. Reka yarim finalda yaponiyalik Ryoko Takedaga yutqazdi.

Final bloki Toshkent vaqti bilan soat 20:00da boshlanadi.