20 apr 16:06
Yangiliklar

Dzyudo

Diyora Keldiyorova Osiyo chempionatining finalida!

Xabar berganimizdek, bugun BAAning Fujayra shahrida dzyudo bo'yicha yilning nufuzli musobaqasi - Osiyo/Okeaniya chempionati boshlandi.

Kattalar o'rtasidagi Osiyo/Okeaniya chempionatida O'zbekiston terma jamoasi azolari ham ishtirok etyapti. -52 kg vazn toifasidagi yurtdoshimiz Diyora Keldiyorova ikki g'alaba evaziga yarim final yo'llanmasini qo'lga kiritgandi.

Hozirgina u KXDR vakilasi Sim Song Rimga qarshi tatamiga chiqdi va raqibasini mag'lubiyatga uchratib, finalga yo'l oldi. Diyora oltin medali uchun kechadigan final bellashuvida mo'g'ulistonlik Sosorbaram Lxagvasurenga qarshi bahs olib boradi.

Eslatib o'tamiz, Keldiyorova ilk bosqichda avstraliyalik Kimberley CHalmers, ikkinchi davrada esa koreyalik Da Sol Parkdan ustun kelgan edi.