Diyora Keldiyorova o'zbekistonlik muxlislarga murojaat qildi

"Bugun Uta Abening Instagram sahifasida o'zbeklar unga nisbatan juda ham ko'p tahqirlovchi izohlarni yozayotgani haqida malumot oldim. Barcha muxlislardan ular kim bo'lishidan qatiy nazar hammaga chuqur hurmat-etiborda bo'lishini so'rab qolaman! Bu albatta sport, bu bizni birlashtiruvchi kuch! Biz dzyudo oilasimiz, iltimos, to'xtating! Menimcha, dzyudoni insonlarga o'rgatadigan eng muhim jihati bu - hurmat!", deb yozdi Keldiyorova.

Malumot uchun, Diyora Keldiyorova Parij Olimpiadasi nimchorak finali doirasida yaponiyalik Uta Abeni mag'lub etgan edi. Bu Abe uchun 5 yil ichidagi ilk mag'lubiyat bo'lgan edi.