Diyora va Gulnoza Albaniyaga etib bordi

Xabaringiz bor, dzyudochi qizlarimiz 12 kun davomida Netanya shahrida Isroil ayollar terma jamoasi bilan xalqaro o'quv-mashg'ulot yig'inida ishtirok etgan edi. Endi ularni Albaniyada tashkil etiladigan xalqaro o'quv-mashg'ulot yig'ini kutmoqda. Bu mamlakatdagi yig'inda Evropaning bir nechta davlat terma jamoalarining ishtirok etishi kutilmoqda. 

Eslatib o'tamiz, hozirda har ikki dzyudochimiz ham Tokio Olimpiadasi yo'llanmalari uchun kurash olib boryapti. Isroil va Albaniyadagi o'quv-mashg'ulot yig'inlari yanvar oyida Dohada o'tadigan yilning dastlabki IJF turniri - Qatar "Masters"ga tayyorgarlik bosqich vazifasini o'tab beradi.