Diyoraning "oltini" evaziga umumjamoa hisobida 3-o'rindamiz!

Quvonarlisi, -52 kg vazn toifasidagi bellashuvlarda yurtimiz sharafini himoya qilgan Diyora Keldiyorova nufuzli musobaqaning oltin medalini qo'lga kiritdi. Kadetlar o'rtasida jahon chempioni hisoblangan Diyora oltin medal uchun kechgan bellashuvda so'nggi Evropa chempionatining bronza medali sohibasi ispaniyalik Estrella SHeriff Lopesni mag'lubiyatga uchratdi. Keldiyorova O'zbekiston ayollar dzyudosida yangi tarix sahifasini ochdi. SHu kungacha o'zbekistonlik dzyudochi qizlar orasida hech kimga "Katta Dubulg'a" turnirining finaliga etib kelish nasib etmagandi. 

Ushbu oltin medal evaziga O'zbekiston terma jamoasi umumjamoa hisobida 92 davlat orasida 3-5 o'rinlarni egallab turibdi. Belgiya va Yaponiya terma jamoalari hisobida ham xuddi bizdagi kabi 1 tadan oltin medal bor. Bittadan oltin va kumush medal qo'lga kiritgan Italiya va Kanada terma jamoalar turnir jadvalida qo'shhokimlik o'rnatishgan. O'n uchta davlat terma jamoalari hisobida kamida bittadan bronza medali bor.