Do'stlikning dushmanlikka aylanishi. Xorxe Masvidal Kolbi Kovington haqida ochiqchasiga gapirdi

«Ko'pchilik joylarda bizlarni qalin do'stlar bo'lganimiz haqida yozishadi. Biroq uning xarakterini ko'rishni boshlaganimdan so'ng Kolbining haqiqiy «yuzi»ni ko'ra boshladim. Har bir tarixning uchta tomoni bo'ladi — sizniki, uniki va haqiqat!

U bir vaqtlar Jon Jons bilan yaxshi munosabatda bo'lgan, biroq keyinchalik u haqida juda ko'p yomon gaplar gapirdi. Men buni o'z ko'zim bilan ko'rmaganman. Biroq men uning Vudli bilan bo'lgan voqealarini yaxshi eslayman. O'sha vaqtlarda Tayron Vudli UFC yulduzi, Kolbi esa havaskor jangchi edi. Tayron unga yordam berish maqsadida har hafta ming dollar berardi. Kovingtoning barcha xarajatlarini to'lardi. Biroq Kolbi mashhur bo'lishni boshlaganidan so'ng, Vudli haqida kerak bo'lmagan gaplari gapirdi. U Vudlining yaxshiliklariga to'g'ri javob bermadi. U hech kimni hurmat qilmasdi.

Keyingi voqea. Kolbi meni va o'zini tarbiya qilgan murabbiyimizning pullarini bermadi. SHundan so'ng unga bo'lgan nafratim juda ham oshib ketdi. SHundan so'ng uni yakson qilish haqida o'ylardim. Unga jang kuni juda ko'p daxshatli zarbalari yo'llamoqchiman va u qaytib jang qilolmay qolishi lozim. Buning uchun barcha imkoniyatlarimdan foydalanaman»,-dedi Xorxe Masvidal.

Eslatib o'tamiz, Kolbi Kovington va Xorxe Masvidal o'rtasidagi jang 5 mart kuni UFC 272 kechasining markaziy bahsi bo'ladi.