26 jan 14:22
Yangiliklar
Boks/MMA
Doston Bozorov keyingi jangini qachon va qaerda o'tkazishi malum. Jang chempionlik kamari uchun bo'ladi!
Engil vazn toifasida Octagon ligasining vaqtinchalik chempionlik kamari sohibi, o'zbekistonlik Doston Bozorov keyingi jangini qachon o'tkazishini malum qildi.
Bozorov 9 mart kuni oktagonga qaytadi. U Toshkentda o'tkaziladigan Octagon ligasi musobaqasi doirasida jang qiladi.
Hozircha hamyurtimizga kim raqiblik qilishi rasman elon qilinmadi. Ammo, olamsport.com muxbirining xabar berishicha, jang engil vazn toifasidagi asosiy chempionlik kamari uchun o'tkaziladi. Hozirda ushbu kamar qozog'istonlik Majit Sardarovga (6-0-0) tegishli hisoblanadi.
Eslatib o'tamiz, Doston Bozorov (9-1-0) so'nggi jangini 2023 yil sentyabr oyida braziliyalik Verleson Almeydaga qarshi o'tkazib, nokaut bilan g'alaba qozongan edi.
Havola :
Fikrlar