Dvalishvili oktagonda Yan bilan nimalar haqida gaplashganini aytdi

«Jangdan keyin men Petr bilan qo'l berib ko'rishib, balki bir kun kelib u bilan do'stlashib qolishimizni aytdim. Unga nisbatan shaxsiy adovatim yo'q, u oilali va men buni hurmat qilaman. Men fotosuratlarni ko'rdim, uning ajoyib oilasi bor. Lekin u bu jangdan saboq olishi, manmanlik qilmasligi kerak. Meni nol deydi, lekin nima bo'ldi? U jamoamizni hurmat qilmadi, lekin biz hammasini isbotladik. Sterling uni mag'lub etdi, men g'alaba qozondim. Yan hali ham yaxshi jangchi, ammo endi u kamtarroq bo'ladi», - dedi Dvalishvili matbuot anjumanida.