Dyusseldorfni zabt etgan o'zbek o'g'loni bugun yana bir yoshga ulg'aydi

Muhammadkarim Hurramov - 1997 yilning 4 aprel kuni Surxondaryo viloyatida tavallud topgan. Yani, polvonlar yurtidan! Dzyudo sport turini tanlashi tasodif emas. Vohaning aksariyat o'g'lonlari yo kurashchi, yoki dzyudochi bo'ladi.  

Tasodifni qarangki, bugun 23 yoshga to'lgan dzyudochimiz 23 fevral kuni Germaniyaning Dyusseldorf shahrida o'tkazilgan "Katta Dubulg'a" turkumiga kiruvchi turnirda barcha raqiblarini mag'lubiyatga uchratib, oltin medal sohibi hamda qimmatli 1000 reyting ochkosiga ega bo'lgandi. 

Musobaqa finaligacha Franciya, Latviya, Mo'g'uliston, Ozarbayjon, Braziliya vakillarini mag'lubiyatga uchratgan Muhammadkarim hal qiluvchi bellashuvda ozarbayjonlik Elmar Gasimovdan ustun kelgan edi. Dzyudochimiz ayni paytda Tokio-2020 Olimpiadasi reytingining yo'llanma zonasida bormoqda.  

Fursatdan foydalanib, O'zbekiston dzyudo federaciyasi rahbariyati, murabbiylar shtabi va sportchilar nomidan Muhammadkarim Hurramovni bugungi tavallud ayyomi bilan chin qalbdan muborakbod etamiz. Unga sihat-salomatlik, uzoq umr, oila azolari baxtiga hamisha sog' bo'lib yurishini tilaymiz. Sportchilik faoliyatida esa Olimpiada medalini qo'lga kiritishiga tilakdoshmiz va bunga ishonamiz!