Dzyudo afsonasi Ilias Iliadisni tabriklaymiz!

Ilias Iliadis 1986 yil 10 noyabr kuni Gruziyaning Axmeta shahrida grek oilasida tavallud topgan. 2004 yil Afinada o'tkazilgan yozgi Olimpiya o'yinlarida -81 kilogramm vazn toifasida oltin medalni qo'lga kiritib, dzyudo tarixida eng yosh (17 yosh) Olimpiada chempioniga aylangan. 

London-2012 Olimpiadasi bronza medali sohibi. Tokio (2010), Parij (2011) va CHelyabinsk (2014)da o'tgan jahon chempionatlari g'olibi. 

SHuningdek, jahon chempionatlarining 2 karra kumush va 1 bor bronza medali sovrindori. Pekin-2008 yozgi Olimpiya o'yinlarining ochilish marosimida Greciya terma jamoasining bayroqdori bo'lgan.

"O'zbekistonda davlat rahbarining sportga qaratayotgan etiborini alohida aytib o'tmoqchiman. Olimpiada ciklida mamlakat Prezidentining qo'llab-quvvatlashi sportchiga juda katta kuch beradi. Faoliyatim davomida ko'p davlatlarda bo'ldim. Lekin O'zbekistondagidek sharoitni hech qaerda uchratganim yo'q. SHu jihat meni bu mamlakatda ishlashimga undadi va ko'plab davlatlar orasidan O'zbekistonni tanladim. O'zbek dzyudosi haqida butun dunyo biladi. Bu erdan ko'p karra Olimpiada sovrindorlari, jahon chempioni bo'lgan Abdullo Tangriev, Rishod Sobirov kabi afsonaviy dzyudochilar chiqqan. O'zbekistonda o'ziga xos dzyudo ananasi bor. Bu jamoaga murabbiy bo'lib kelish men uchun katta sharaf. Endi men bu ananani davom ettirishim kerak", - degandi Iliadis. 

Fursatdan foydalanib, murabbiylar, hakamlar, dzyudochilar, umuman katta o'zbek dzyudosi oilasi nomidan terma jamoamiz bosh murabbiyi Ilias Iliadisni bugungi tavallad kuni bilan muborakbod etamiz. Unga avvalo sihat-salomatlik, oilaviy xotirjamlik, O'zbekiston terma jamoasi bilan Tokio Olimpiadasida tarixiy natijalarni ko'rsatishini tilaymiz.