22 noy 07:12
Yangiliklar

Dzyudo

Dzyudo bo'yicha O'zbekiston chempionatining ilk kuni 4 ta vaznda g'oliblar aniqlandi FOTOGALEREYA

Kecha "Jizzax Kibersport arena"si dzyudo bo'yicha kattalar o'rtasidagi O'zbekiston chempionati boshlandi.

Mamlakat birinchiligida Qoraqalpog'iston Respublikasi, barcha viloyatlar hamda Toshkent shahridan saralanib kelgan 400 nafarga yaqin dzyudochi medallar uchun bahs olib boryapti. Musobaqaning ilk kuni erkaklar -60, -66 kg, ayollar esa -48 va -52 kg vazn toifalarida tatamiga chiqishdi.

Kutilganidek, ayollar o'rtasida -52 kg vazn toifasida amaldagi mamlakat chempioni Gulhayo Jo'raeva oltin medalni qo'lga kiritdi. Qashqadaryolik dzyudochimiz finalda So'g'diyona Rafkatovadan ustun keldi. Taqdirlash marosimida -52 kg vazn toifasida Parij-2024 Olimpiadasi chempioni Diyora Keldiyorovaning ishtirok etgani etiborga molik holat.

Erkaklar o'rtasida -60 kg vazn toifasidagi bellashuvlar murosasiz kechdi. Buxorolik dzyudochilar Anvarjon Ibrohimov va Murodil Murodilloev o'rtasida kechgan final bahsida Ibrohimovning qo'li baland keldi. Yana bir buxorolik dzyudochi Bahrom Boturov bronza medaliga sazovor bo'ldi.

-66 kg vazn toifasidagi bellashuvlarda 53 nafar ishtirokchi medallar uchun kurashga kirishdi. Yakunda tajribali raqiblarini ortda qoldirgan navoiylik Azizbek Ortiqov O'zbekiston chempioni bo'ldi. U finalda istedodli dzyudochimiz Zamahshariy Bekmurodovdan ustun keldi. Kurash bo'yicha Osiyo va jahon chempioni Artyom SHturbabinning bronza medalini qo'lga kiritgani bu vaznda yana bir davogar paydo bo'lganini ko'rsatmoqda.

O'zbekiston chempionati. Birinchi kun g'olib va sovrindorlari!

-48 kg vazn toifasi (29 ishtirokchi)

1. Laziza Haydarova (Navoiy)

2. Ruhshona Alisherova (Buxoro)

3. Fotimaxon Tursunboeva (Namangan)

3. Ulbusin Hakimova (Sirdaryo)

-52 kg vazn toifasi (21 ishtirokchi)

1. Gulhayo Jo'raeva (Qashqadaryo)

2. So'g'diyona Rafkatova (Xorazm)

3. Zarina Jamalova (Toshkent viloyati)

3. Umida Jumaniyazova (Qoraqalpog'iston)

-60 kg vazn toifasi (51 ishtirokchi)