Dzyudo bo'yicha Toshkent Gran-prisining tantanali ochilish marosimi bo'lib o'tdi FOTOGALEREYA

Bundan bir necha daqiqa avval "Humo Arena"da musobaqaning tantanali ochilish marosimi bo'lib o'tdi. Unda O'zbekiston Respublikasi Bosh vaziri o'rinbosari Aziz Abduhakimov, Xalqaro dzyudo federaciyasi (IJF) bosh sport direktori Vladimir Barda so'zga chiqdi. 

Vladimir Barda Toshkent Gran-prisini yuqori saviyada o'tishini taminlayotgan O'zbekiston Respublikasi hukumati, mamlakat dzyudo federaciyasi hamda homiylarga Xalqaro dzyudo federaciyasi nomidan minnatdorchilik bildirdi. 

Aziz Abduhakimov o'z so'zida ettinchi marotaba poytaxtimiz mezbonligida tashkil etilayotgan ushbu nufuzli turnirning ilk bor muhtasham, ko'p tarmoqli "Humo Arena"da o'tkazilayotgani, bugungi kunda 33 mingdan ziyod kishi bevosita dzyudo bilan shug'ullanayotganini alohida urg'uladi. 

SHuningdek, Toshkent Gran-prisining tantanali ochilish marosimida O'zbekiston Respublikasi Prezidentining Davlat maslahatchisi Abdujabbor Abduvohidov, O'zbekison Jismoniy tarbiya va sport vaziri Dilmurod Nabiev, vazirning birinchi o'rinbosari Oybek Kasimov va boshqa rasmiy shaxslar ishtirok etishdi.

SHundan so'ng O'zbekiston Respublikasi davlat madhiyasi hamda Xalqaro dzyudo federaciyasining madhiyasi yangradi. Milliy cholg'ularimiz - karnay-surnay va doira sadolari "Humo Arena"ni larzaga keltirdi.

Suratlar muallifi - Alimurod Mamadaminov