Dzyudo bo'yicha Toshkentda o'tajak jahon chempionati Tokio Olimpiadasining saralashi bosqichiga kiritilishi mumkin

SHu sababli bu yil o'tishi rejalashtirilgan Tokio Olimpiadasi ham bir yilga qoldirildi. Biz uchun 2021 yil dzyudo bo'yicha Toshkent mezbonlik qiladigan jahon chempionatining qachon o'tishi ko'proq ahamiyatli. Xalqaro dzyudo federaciyasi prezidenti Marius Vizer dzyudo sportining yaqin kelajagi haqida murojaat bilan chiqar ekan, bu mavzuga ham alohida to'xtalib o'tdi.

“2021 yilgi jahon chempionati ham Tokio Olimpiadasining saralash bosqichi doirasiga kiritilishi mumkin. Ammo barchasi virus pandemiyasining butun dunyo bo'ylab qachon yakuniga etishiga qarab hal bo'ladi. SHuni aniq aytishimiz mumkinki, Qatarda o'tadigan Masters turniri kvalifikacion darajani saqlab qoladi”, – dedi Marius Vizer.

Xalqaro Olimpiya qo'mitasi Tokio Olimpiadasining yangi muddatini 2021 yilning 23 iyulidan 8 avgust kunlariga belgiladi. Dzyudo bo'yicha jahon chempionatlari esa har yili avgust oyining so'ngida o'tkaziladi. SHu bois agar Toshkentda o'tadigan jahon chempionati kvalifikacion musobaqalar orasiga kiritilsa, tashkilotning yangilangan taqvimida katta ehtimolda 2021 yilning may oyigacha o'tishini kutish mumkin. SHuningdek, dunyo birinchiligini joriy yil kuzda poytaxtimizda o'tadigan Gran-pri musobaqasi bilan o'rnini almashtirish varianti ham yo'q emas.

Eslatib o'tamiz, jahon chempionati g'olibi Olimpiya va jahon reytingi uchun 2000 ochkoga ega bo'ladi.