Dzyudo. Hikmatilloh To'raev "Masters" sovrindori bo'ldi, bugun uch sportchimiz medal uchun kurashadi

-73 kg vazn toifasida hamyurtimiz Hikmatilloh To'raev bronza medali uchun bahs olib bordi.

Kanadalik Entoni Busharga qarshi bahsda hamyurtimiz vazari bahosi bilan ustun keldi va dzyudo bo'yicha terma jamoamizning mavsumdagi ilk medalini taqdim qildi. Takidlash joiz, bu Hikmatilloh uchun faoliyatidagi “Masters” musobaqalaridagi ilk medaldir. Surxondaryolik polvonimiz shu bilan birga Tokio-2020 Olimpiada reytingi uchun 900 ochkoni ham o'z hisobiga qo'shib qo'ymoqda. Bugun musobaqada ishtirok etgan vakillarimiz o'z hisoblariga quyidagi reyting ochkolarini qo'shib qo'yishdi:

-73 kg: Hikmatilloh To'raev – 900
-81 kg: SHarofiddin Boltaboev – 468
-81 kg: Kamoliddin Rasulov – 200
-70 kg: Gulnoza Matniyazova – 200

Bugun kun davomida 2020 yil mamlakatimizning Eng yaxshi sportchisi nomini qo'lga kiritgan Davlat Bobonov (-90 kg), Muhammadkarim Xurramov (-100 kg) hamda Bekmurod Oltiboevning (+100 kg) ishtirokiga guvoh bo'lamiz. Vakillarimiz musobaqani quyidagi raqiblariga qarshi boshlashadi:

-90 kg: Davlat Bobonov – Xatam Abdulqahhor (Misr)
-100 kg: Muhammadkarim Xurramov – Kayxan O'zchichek-Takagi (Avstraliya)
+100 kg: Bekmurod Oltiboev – Levani Matiashvili (Gruziya)