Dzyudo. Medaldan mahrum bo'lgan SHturbabin, bronza bilan cheklangan Nurillaev. CHempionlik kimga nasib etdi?

CHempionlikka asosiy davogarlar orasida ayovsiz kurashlar bo'lib o'tdi. Jumladan -66kg vazn toifasidagi bahslar murosasizligi bilan ajralib turdi. Aynan ushbu vaznda kechgan bellashuvlarga etiboringizni qaratmoqchimiz. 

CHempionlikka qadar g'oliblikka davogar Muhiddin Tilovov chorak finalda jiddiy raqib Bobur Vajiyev bilan murosasiz jang olib bordi. Kurash “Golden Scort”gacha bordi. Yakunda esa Tilovovning tajribasi qo'l keldi va aynan u yarim finalga yo'l oldi. 

Yana bir chorak final Artyom SHturbabin va Sardor Nurillaev o'rtasida kechdi. Finalga taqqoslasa bo'ladigan baxs SHturbabinning "ippon"i bilan yakunlandi. Ammo yarim finalda Artyomni jiddiy raqib Rahim Subhonov ikkita “vazari” evaziga finaldan maxrum qildi. 

Ikkinchi yarim finalda Tilovov Bahrom Boturovga qarshi tatamiga chiqdi. Ushbu to'qnashuvda Boturov Tillovovni yarim finalda qoldirishi mumkin edi. Ammo takidlaganimizdek, tajriba o'z so'zini aytdi va oxirgi 10 soniyada Tilolov g'alabani ilib ketdi. 

Final oldidan uchinchi o'rin uchun Sardor Nurillaev Bahrom Boyqulov kurashdi. Teng kurashlar ostida o'tgan bahsda Nurillaev raqibidan ustun keldi va uchinchi o'ringa ega chiqdi. Navbatdagi bronza medali uchun bahsda chempionlikka davogar sifatida etirof etilgan Artyom SHturbabin uchinchi o'rindan ham maxrum bo'ldi. Bobur Vajiyev sof g'alaba bilan bronza medalini qo'lga kiritdi.   

Final barcha raqiblaridan ustun kelgan Tillovov hamda Subhonov o'rtasida kechdi. Yakunda terma jamoa azosi bejizga tarkibda emasligini isbotladi. Tilovov -66kg vazn toifasida Respublika chempioniga aylandi. Rahim Subhonov kumush medali bilan kifoyalandi.

Kamron Hasanov tayyorladi

Birinchi kunning g'olib va sovrindorlari ro'yxati birozdan so'ng etiboringizga havola qilinadi.