14 fev 16:27
Yangiliklar

Dzyudo

Dzyudo. Navbat Tel-Aviv "Katta Dubulg'a" turniriga!

Xalqaro dzyudo federaciyasi (IJF) taqvimidan o'rin olgan navbatdagi nufuzli musobaqaga Isroil davlati mezbonlik qiladi.

Aniqrog'i, 17-19 fevral kunlari Tel-Aviv shahrida "Katta Dubulg'a" turkumiga kiruvchi, umumiy mukofot jamg'armasi 154 000 AQSH dollarini tashkil etuvchi turnir bo'lib o'tadi. Ushbu musobaqada dunyoning 4 qitasi 34 davlatidan jami 322 (178 erkak, 144 ayol) nafar dzyudochi tatamiga chiqadi.

Ular qatorida O'zbekiston terma jamoasi ham musobaqa medallari hamda muhim reyting ochkolari uchun bahs olib boradi. Ertadan keyin Tel-Aviv "Katta Dubulg'a" turniriga qura tashlash marosimi o'tkaziladi.