Dzyudo olamida yil yakunlari sarhisob qilindi. Davogarlar orasida hamyurtimiz ham bor edi

Unda bir qator yo'nalishlarda yil laureatlari aniqlab olindi. Ko'pchilikning diqqat-etiborida yilning eng yaxshi erkak va ayol sportchisiga nomzodi qo'yilgan dzyudochilar bo'ldi. 

Yakunda eng yaxshi erkak dzyudochi yo'nalishida bu yil jahon chempionligi va Tokio-2020 kumush medalini qo'lga kiritgan gruziyalik Lasha SHavdatuashvili, ayollar toifasida jahon chempionati sovrindori, Tokio-2020 chempioni kosovolik Distriya Krasniki g'alaba qozondi. 

Bu yil hamyurtimiz Diyora Keldiyorova porlayotgan yulduz yo'nalishidagi nomzodlar qatoriga kiritilgan edi. Biroq g'oliblik boshqa bir gruzin polvoniga nasib etdi. 

SHu va boshqa yo'nalishlardagi g'oliblar:

Eng yaxshi erkak dzyudochi: Lasha SHavdatuashvili

Eng yaxshi ayol dzyudochi: Distriya Krasniki

Yil ipponi: Italiyalik Angelo Pantano (-60 kg) Zagreb Gran-prisida niderlandiyalik Emiel Yaring ustidan qozongan g'alabasi

Yil voqeligi: JCH finalida +78 kg vazn toifasi finalida g'alaba qozongan yaponiyalik Sara Asaxina jarohat olgan hamyurtini elkasiga olib tatamidan olib chiqib ketishi

Porlayotgan yulduz: Iliya Sulamanidze (Gruziya)

Eng yaxshi murabbiy: Driton Kuka (Kosovo)

Dzyudo tinchlik uchun: Tokio-2020 Olimpiya o'yinlarida +78 kg vazn toifasidagi Taxani Al Qahtoni (Saudiya Arabistoni) / Raz Xershko (Isroil) bellashuvi

Dzyudo bolalar uchun: “Judo kilis” loyihasi

Jamoat qahramoni: Sabrina Filcmozer (Avstriya)