Dzyudo. Osiyo o'yinlariga tayyorgarlik masalasi muhokama etildi

Unda shuningdek, Milliy olimpiya qo'mitasi Prezidenti Umid Ahmadjonov, Jismoniy tarbiya va sport vaziri SHoakram Isroilov, MOQ Bosh kotibi Jasur Matchanov hamda O'zbekiston dzyudo federaciyasi mutasaddilari ishtirok etishdi. 

Yig'ilishda Osiyo va Olimpiya o'yinlariga tayyorgarlik jarayoni, xalqni sportga qiziqtirish, istedodli sportchilarni terma jamoalarga jalb etish, tizimda uchrayotgan muammolarni hal etish kabi masalalar muhokama qilindi.

Bundan buyon dzyudo bo'yicha har bir viloyatning o'z terma jamoasi bo'ladi. Ommaviylikni oshirish maqsadida viloyatlar terma jamoalari o'rtasida Respublika miqyosida turnirlar tashkil qilinadi. Milliy Olimpiya qo'mitasi Prezidenti bundan buyon Olimpiya zaxiralari kollejlarining sport yo'nalishlariga o'z sportining mutaxassislari qabul qilishi haqida aytib o'tdi.

“Endi Olimpiya zaxiralari kollejidagi dzyudo fakultetiga kim o'qishga kirayotganini o'sha kollej direktori emas, terma jamoa bosh murabbiyi shaxsan nazorat qiladi. CHunki, ular bizning asosiy zaxiramizdir. Terma jamoamiz uchun nomzodlar o'sha erda bo'ladi” – dedi Umid Ahmadjonov.

Yig'ilishda may oyida viloyat terma jamoalari o'rtasidagi musobaqa boshlanishi haqida malum qilindi. Qolaversa, viloyat bo'limlari mutasaddilari tomonidan dzyudo bilan shug'ullanish uchun baza kerakligi, shart-sharoitlar yaratilishi lozimligi aytildi. 

“Respublika miqyosidagi musobaqalarda eng past natijalar Sirdaryo viloyati sportchilarida ekan. Nima qilsak viloyatda dzyudoni rivojlantirib yubora olamiz? Sportning ushbu turi rivojlanib, raqobat yuzaga kelishi uchun nima qilishimiz kerak? Tatami kerak bo'ladimi? Sirdaryodan kimni Olimpiya o'yilariga, Osiyo o'yinlariga olib borsak bo'ladi? Qanday musobaqalar tashkil etilishi lozim? Bu borada Siz mutaxassislardan takliflarni kutaman”, - dedi Umid Ahmadjonov Sirdaryo viloyati bo'limi vakillariga qarata.

Uchrashuv davomida dzyudo federaciyasi tomonidan poytaxtda seminar tashkil qilinishi rejalashtirilayotgani malum qilindi. Ushbu seminarda viloyat murabbiylari bir hafta davomida ishtirok etib, malaka oshiradilar.

MOQ rahbarining malum qilishicha, asosiy etibor Olimpiya sport turlariga qaratiladi. Kerak bo'lsa, milliy va belbog'li kurash, sambo kabi sport turlaridan dzyudoga sportchilar yo'naltiriladi. 

SHuningdek, bundan buyon terma jamoa tarkibida raqobatni kuchaytirish maqsadida har bir vazn toifasidan to'rt nafar sportchi tanlab olinadi. Osiyo o'yinlariga qadar ular qatiy tartib asosida muntazam o'quv-mashg'ulot yig'inlarida ishtirok etadi. Yakunda esa ular orasidan eng kuchlisi avgust oyida Indoneziyada o'tkaziladigan Osiyo o'yinlarida O'zbekiston sharafini himoya qiladi.

Uchrashuvda Olimpiya o'yinlari sovrindori, jahon chempioni Rishod Sobirovdan ham bu masaladatakliflar so'raldi. O'zbek dzyudosi afsonasi yurtimizda dzyudoni rivojlantirish bo'yicha o'z takliflarini bildirdi. 

O'z navbatida, bundan buyon terma jamoa sportchilari uchun qatiy tartib joriy etilishi takidlab o'tildi. Ularning kun tartibi belgilab beriladi. O'z vaqtida mashg'ulotini o'tkazib, dam olish vaqtigacha qatiy nazorat qilinishi aytildi. Ayollar terma jamoasi uchun esa alohida dastur ishlab chiqiladi.