06 fev 13:06
Yangiliklar

Dzyudo

Dzyudo. Parij "Katta Dubulg'a" turnirida ikkita medal qo'lga kiritildi

Franciya poytaxti Parij shahrida "Katta Dubulg'a" turkumiga kiruvchi umumiy mukofot jamg'armasi 154 ming evroni tashkil qiluvchi mavsumning ilk turniri yakuniga etdi.

Ikki kun davomida sayyoramizning 5 qitasi 84 davlatidan jami 522 (317 erkak, 205 ayol) nafar dzyudochi musobaqa medallari hamda Parij-2024 Olimpiadasi yo'lidagi muhim reyting ochkolari uchun tatamiga chiqdilar.

Ular qatorida O'zbekiston terma jamoasining 7 nafar dzyudochisi Kamoliddin Baxtiyorov (-60 kg), Sardor Nurillaev, Bobur Vadjiev (ikkisi ham -66 kg), Murodjon Yo'ldoshev (-73 kg), Muzaffarbek To'raboev (-100 kg), Alisher Yusupov, SHohruxxon Baxtiyorov (ikkisi ham +100 kg) ham o'z mahoratlarini namoyish etishdi.

Yakunda hamyurtlarimizdan Kamoliddin Baxtiyorov va Alisher Yusupov Parij "Katta Dubulg'a" turniri bronza medali hamda qimmatli 500 reyting (Olimpiada-2024 uchun 250 ball) ochkosini qo'lga kiritishdi.