Dzyudo. Sardorda ikkinchi g'alaba, SHahram va Diyorada ham yaxshi start

Hozirgina Sardor Nurillaev turnirdagi ikkinchi g'alabasiga erishdi. -66 kg vazn toifasidagi dzyudochimiz ikkinchi bosqich bellashuvida dominikanlik Vander Mateodan ustun keldi. Endi u chorak final yo'llanmasi uchun isroillik mashhur polvon Baruch SHmaylovga qarshi tatamiga chiqadi. 

Ushbu vazn toifasidagi ikkinchi dzyudochimiz SHahram Ahadov ham g'alabaga erishdi. Bahslarga to'g'ridan-to'g'ri ikkinchi davradan qo'shilgan Ahadov bolgariyalik Bojidar Temelkovdan ustun ekanini isbotladi. SHahramning uchinchi bosqichdagi raqibi isroillik Tal Flikker bo'ladi.

-52 kg vazndagi dzyudochimiz Diyora Keldiyorova uchun ham Tel-Aviv Gran-prisi muvaffaqiyatli boshlandi. U birinchi davra avstraliyalik Tinka Istonni mag'lubiyatga uchratdi. O'smirlar o'rtasida jahon chempioni bo'lgan Diyora endi belgiyalik Amber Rixeulga qarshi tatamiga chiqadi. 

O'zbekiston dzyudo federaciyasi matbuot xizmati