Dzyudo. Toshkent kattalar o'rtasidagi O'zbekiston chempionati start oldi

Yilning mamlakat miqyosidagi nufuzli musobaqasiga "Sahovat sport servis" (sobiq "O'zbekiston" sport saroyi) sport majmuasi mezbonlik qilyapti. CHempionatda Qoraqalpog'iston Respublikasi, barcha viloyatlar hamda Toshkent shahridan tajribali va shu bilan birga istedodli dzyudochilar ishtirok etmoqda. 

Bahslar 7 ta (erkaklar va ayollar) vazn toifasida o'tkaziladi. Bugun erkaklar o'rtasida -60, -66, ayollarda esa -48, -52 va -57 kg vaznlarda g'olib va sovrindorlar aniqlanadi. Bugungi final bellashuvlari soat 17:00da boshlanadi. 

O'zbekiston chempionatida birinchi raqamli dzyudochilarimiz ishtirok etmayapti. Boisi, ular shu kunlarda Yaponiyaning Osaka shahrida tashkil etilayotgan va "Masters" turniriga tayyorgarlik vazifasini o'tovchi xalqaro o'quv-mashg'ulot yig'inida qatnashishyapti.