Dzyudochilarimiz Almatida shoxsupaga ko'tarilishdi

Aleksandr Patokin xotirasiga bag'ishlab o'tkazilgan ushbu ananaviy musobaqada 2002-2003 yillarda tavallud topgan dzyudochilar ishtirok etishdi. O'g'il bolalar -46, -50, -55, -60, -66, -73, -81, -90 hamda +90 kg vazn toifalarida bellashishdi. 

Qizlar esa -40, -44, -48, -52, -57, -63, -70 va +70 kg vaznda medallar uchun tatamiga chiqishdi. Ular orasida besh nafar o'zbekistonlik dzyudochilar ham o'z imkoniyatlarini sinovdan o'tkazishdi.      

Yakunda ulardan ikki nafari shoxsupaga ko'tarildi. Finalga qadar mag'lubiyatsiz etib kelgan Bunyod Japarbergenov (-90 kg) kumush medalni qo'lga kiritgan bo'lsa, Anastasiya Leflyanskaya (-63 kg) bronza medalga sazovor bo'ldi.