Dzyudochilarimiz Islom civilizaciya markazi va “Humo Arena”da bo'lishdi FOTOGALEREYA

Avvaliga ular nafaqat yurtimiz, balki ko'pchilik xorijiy mamlakatlar xalqlarining ham tili va dilidan joy olishga ulgurgan O'zbekistondagi Islom civilizaciyasi markazida bo'lishdi. 

Polvonlarimiz Hazrati Imom (Xastimom) majmuasida bunyod etilayotgan tarixiy markaz binosi bilan tanishar ekanlar, o'zlari uchun boy manaviy ozuqa oldilar.

Malumot uchun, Markaz uchun 9,1 gektar maydon ajratilgan bo'lib, bino milliy ananaviy usulda qurilmoqda. Ushbu hududga kiraverishda ko'zingiz dastlab “Bu erda tarix yaratilmoqda”, degan yozuvga tushadi. 

Darhaqiqat, bu erda uzoq kutilgan tarixiy maskan qad rostlamoqda. Markaz binosining 2020 yil kuzda foydalanishga topshirilishi rejalashtirilmoqda. 

SHundan so'ng, sportchi va murabbiylarimiz shu yil foydalanishga topshirilgan ko'p tarmoqli “Humo Arena”da ham bo'lishdi. 

Albatta, sportchilar uchun bu kabi madaniy xordiq juda ham zarur. Har bir inson o'z o'tmishi, tarixiy ildizlari, madaniy merosini bilishi shart.