Dzyudochilarimiz sportchi-o'quvchilar bilan uchrashishdi FOTOGALEREYA

Tadbir Xalq talimi vazirligi, Milliy olimpiya qo'mitasi hamda O'zbekiston dzyudo federaciyasi hamkorligida tashkil etildi. Unda dzyudo bo'yicha terma jamoa bosh murabbiyi Ilias Iliadis, xalqaro toifadagi hakam Ramziddin Saidov, murabbiylar hamda taniqli dzyudochilar ishtirok etdi. 

"Sport mamlakatni dunyoga yanada tanitishda eng katta vositalardan biri hisoblanadi. Sportchi sabab Olimpiada va jahon chempionatlari, xalqaro musobaqalarda mamlakat madhiyasi yangraydi, bayroq baland ko'tariladi. Bugun sizlar bilan uchrashish uchun bu erga kelgan akalaringiz, yani dzyudo bo'yicha O'zbekiston terma jamoasi azolari ham ko'p yillardan beri o'z natijalari bilan yurtimiz dovrug'ini dunyoga yanada yoyishmoqda. Bejizga mamlakatimizda sportga Hukumat darajasida etibor qaratilmaydi. Mana kuni kecha poytaxtimizdagi muhtasham "Humo Arena" saroyida hurmatli Prezidentimiz SHavkat Miromonovich Mirziyoev "Yoshlar Forumi"da ishtirok etdilar. Tadbirda qatnashgan yoshlarning aksariyatini sportchilar tashkil etar edi. Hurmatli Yurtboshimiz kechagi uchrashuvda yana bir bor yoshlarga katta ishonch bildirayotganlari, O'zbekistonning kelajagi aynan ularning qo'lida ekanini alohida takidladilar. Fursatdan foydalanib, siz o'quvchilarga omad, o'zingiz tanlagan sohada ulkan yutuqlarga erishishingizni tilayman", - dedi MOQ raisi o'rinbosari, O'zbekiston dzyudo federaciyasi raisi Azizjon Kamilov.  

Takidlash joiz, 243-sonli umumtalim maktabi nafaqat poytaxtimiz, balki respublikamizdagi istedod va iqtidorlar jam bo'lgan ilm maskanlaridan biri hisoblanadi. Maktabda dzyudo, karate, taekvondo, boks singari olimpiya oilasiga mansub sport turlaridan mamlakat hamda xalqaro musobaqalarda g'olib va sovrindor bo'lgan o'quvchilar ko'pchilikni tashkil etadi. 

Do'stona, samimiy va juda ham qiziqarli ruhda o'tgan uchrashuvda Diyorbek O'razboev, Hikmatulloh To'raev, Muhammadkarim Hurramov, Bekmurod Oltiboev, Kamoliddin Rasulov, SHoxruh Baxtiyorov, Muzaffar To'raboev o'quvchilarni qiziqtirgan savollarga javob qaytarishdi. Ilias Iliadis, Kamol Murodov va Ramziddin Saidov o'zlarining ko'p yillik tajribalaridan kelib chiqib yoshlarga faoliyatlarida as qotadigan tavsiyalar berishdi.