Dzyudochilarimiz uchun psixologik trening o'tkazildi FOTOGALEREYA

U o'zini qanchalik biladi, qanday sokin va xotirjam tutadi, raqibini eng maqbul daqiqada mag'lub eta olish qobiliyatini aniqlashga qodirmi?

Ong bilan ishlashning ko'plab usullari mavjud, ular yakunda o'zini tuta olishga yordam beradi. Uning asosiy maqsadi ongni o'zidan ajratish tushunchasini joriy etishdir. Yani, sportchi jismoniy holat bilan bir qatorda unga resurs sifatida munosabatda bo'lgan psixologik holatini ham tushunishi va his qilishi kerak. 

O'z kuchini va uni qanday boshqarish kerakligini bilgan holda, kishi eng samarali taktikalarni qo'llashi, shuningdek, jang yoki bellashuvni oldindan rejalashtirishi mumkin.

Yapon amaliyotida qo'llaniladigan yana bir usul mavjud. Bu har bir inson tashqi psixologiya mohiyatiga o'zgalar yordamisiz erishishi mumkin bo'lgan ong bilan ishlash, savollar va kichik vazifalar orqali echim topishdan iborat.

Sportda psixologiya muvaffaqiyatning deyarli yarmi hisoblanadi. Sportchi bahsga jismonan tayyor bo'lishi mumkinki, lekin ruhiyat bilan muammo yuzaga kelsa, natija kutilgan darajada bo'lmaydi. 

O'zbekiston dzyudo federaciyasi shu holatlarni inobatga olgan holda terma jamoa azolari uchun psixologik mashg'ulotlarni yo'lga qo'ydi. 

Bir necha yildan beri aynan sport sohasida faoliyat yuritib kelayotgan tajribali psixolog Lola Agzamova dzyudo bo'yicha O'zbekiston erkaklar va ayollar terma jamoalari bilan birga psixologik mashg'ulot o'tkazdi. Dzyudochilarimiz ushbu treningda katta ishtiyoq bilan ishtirok etishdi.