Dzyudochilarimiz yangi zamonaviy sport zaliga ega bo'lishdi FOTOGALEREYA

Uch kun davomida poytaxtimiz mezbonligida muvaffaqiyatli tarzda o'tgan Toshkent Gran-prisi yakunlangan kunning ertasigayoq ushbu obektning topshirilishida ham o'ziga xos ramziylik bordek. 

Yodingizda bo'lsa, 4 sentyabr kuni O'zbekiston Respublikasi Prezidenti SHavkat Mirziyoev raisligida o'tgan jismoniy tarbiya va sportni rivojlantirish bo'yicha videoselektor yig'ilishida Davlatimiz rahbari joylarda engil konstrukciyali, yani sendvich-panelli sport inshootlarini qurish bo'yicha ko'rsatma bergan edi. 

O'zbekiston dzyudo federaciyasi birinchilardan bo'lib ana shu ishga qo'l urdi. Qisqa fursat ichida ana shunday engil konstrukciyali mashg'ulot zali bunyod etildi.

Ushbu zalning tantanali ochilish marosimida O'zbekiston Jismoniy tarbiya va sport vaziri Dilmurod Nabiev, vazirning birinchi o'rinbosari Oybek Kasimov, O'zbekiston Milliy olimpiya qo'mitasi prezidenti Rustam SHoabdurahmonov, MOQ vice-prezidenti, O'zbekiston dzyudo federaciyasi raisi Azizjon Kamilov, dzyudochilar hamda ommaviy axborot vositalari xodimlari hozir bo'lishdi.

Tadbirda so'zga chiqqan Rustam SHoabdurahmonov muvaffaqiyatli o'tgan Toshkent Gran-prisiga alohida to'xtalib, terma jamoamiz dzyudochilarining yakunda umumjamoa hisobida birinchi o'rinni egallaganini alohida takidladi. Dilmurod Nabiev esa o'z so'zida yangi bunyod etilgan sport zalidan yangi chempionlar etishib chiqishiga tilak bildirdi. 

SHundan so'ng dzyudochilarimiz yangi sport zalida terma jamoa bosh murabbiy Farhod To'raev boshchiligida ilk mashg'ulotni o'tkazishdi.  

Marosim so'nggida O'zbekiston dzyudo federaciyasi raisi Azizjon Kamilov O'zbekiston Milliy olimpiya qo'mitasi prezidenti Rustam SHoabdurahmonov va O'zbekiston Jismoniy tarbiya va sport vaziri Dilmurod Nabievga zarbop chopon hamda esdalik nishoni topshirdi.

Suratlar muallifi - Alimurod Mamadaminov