Dzyudochilarimiz Yaponiyada "Masters"ga tayyorgarlik ko'rishyapti FOTOREPORTAJ

Mashg'ulotlarda beshta davlat - Yaponiya, Gruziya, Braziliya, Ukraina va O'zbekiston dzyudochilari ishtirok etyapti. Qo'shma xalqaro yig'in barcha mamlakat terma jamoasi dzyudochilariga 12-14 dekabr kunlari Xitoyning Cindao shahrida o'tkaziladigan "Masters" seriyasiga kiruvchi nufuzli turnirga tayyorgarlik vazifasini o'tab beradi. 

Terma jamoamiz azolari Olimpiada va jahon chempioni Ilias Iliadis hamda Bekzod To'raboev boshchiligida mashg'ulot o'tkazishyapti. Yig'inda SHarofiddin Lutfullaev, Diyorbek O'razboev, Hikmatulloh To'raev, Kamoliddin Rasulov, Davlat Bobonov, Bekmurod Oltiboev, Alisher Yusupov, Muhammadkarim Hurramov singari dzyudochilarimiz ishtirok etishmoqda. 

Eslatib o'tamiz, bir hafta avval O'zbekiston terma jamoasi aynan Osaka shahrida o'tgan "Katta Dubulg'a" turkumiga kiruvchi turnirda qatnashib, bittadan kumush va bronza medaliga ega chiqqandi. -90 kg vazn toifasida yurtimiz sharafini himoya qilgan Davlat Bobonov musobaqaning kumush medali hamda 700 reyting ochkosini qo'lga kiritgan, +100 kn vazndagi dzyudochimiz Alisher Yusupov esa bronza medaliga sazovor bo'lish barobarida o'z hisobiga 500 ochkoni qo'shib qo'ygan edi.