29 may 07:45
Yangiliklar

Dzyudo

Dzyudochilarimizning tog'li Bakurianidagi o'quv-mashg'ulot yig'ini davom etyapti FOTOREPORTAJ

Xabar berganimizdek, jahon chempionatidan keyin terma jamoamiz Abu-Dabidan to'g'ri Gruziyaga yo'l olgandi.

Ilias Iliadis va Nurali Qobulov murabbiyligidagi dzyudochilarimiz Bakuriani shahrida mashg'ulotlarni o'tkazishyapti. Dengiz sathidan 1700 metr balandlikda joylashgan ushbu kurort shaharcha dzyudochilarimiz uchun begona emas. Terma jamoamiz qariyb to'rt yildan beri tog'li Bakurianida o'quv-mashg'ulot yig'inlarini tashkil etib kelmoqda.

Mashg'ulotlarda Davlat Bobonov, Muzaffarbek To'raboev, Alisher Yusupov, SHarofiddin Boltaboev singari taniqli dzyudochilarimiz ham ter to'kishyapti. Bu erda asosan tiklanish hamda chidamkorlik mashqlariga etibor qaratilyapti.

Terma jamoamizning Gruziyadagi mashg'ulotlari 11 iyun kuniga qadar davom etadi.