Dzyudochimiz Gulnoza Matniyazovaga uy sovg'a qilindi FOTOGALEREYA

SHubhasiz, ushbu yutuqlari bilan o'zbek sporti dovrug'ini dunyoga yanada tanitishyapti.  Bundan esa faxrlansak, g'ururlansak arziydi. Albatta, sportchilarimizning bu muvaffaqiyati beetibor qolmayapti. Ular hukumatimiz tomonidan munosib tarzda rag'batlantirilmoqda, hurmat va ehtirom ko'rsatilayotir. 

Bugun Urganch shahridagi “Yoshlar markazi”da bo'lib o'tgan tantanali marosimda ham ushbu yoqimli anana davom etdi. Unda dzyudo bo'yicha mamlakatimizning eng tajribali va sovrindor sportchisi Gulnoza Matniyazova munosib taqdirlandi.

Tadbirda qatnashgan Xorazm viloyati hokimi F.Ermanov yurtimizda jismoniy tarbiya va sportni yanada rivojlantirish va ommaviylashtirish borasida olib borilayotgan islohotlar, uning mazmun va mohiyati haqida to'xtalar ekan, sportchilarimiz erishayotgan natijalarni faxr bilan tilga oldi. 

Xalqaro sport arenalarida yurtimiz sharafini ulug'layotgan sportchi qiz, 2016 yili Braziliyaning Rio-de-Janeyro shahrida o'tkazilgan Olimpiya o'yinlari ishtirokchisi, ko'plab xalqaro turnirlar g'olib va sovrindori Gulnozaning mahoratini etirof etib, unga viloyat hokimligining tashakkurnomasi hamda Urganch shahridan ikki xonali uyning kalitini topshirdi.

Aytish joizki, bu O'zbekiston Respublikasi davlat mustaqilligining yigirma sakkiz yilligi oldidan yurtimizning nomdor dzyudochisi uchun kutilmagan, o'ziga xos sovg'a bo'ldi.

O'z navbatida Gulnoza Matniyazova so'zga chiqib, hukumatimiz tomonidan ko'rsatilayotgan g'amxo'rliklarga minnatdorlik bildirar ekan, bunga javoban yangi-yangi marralarni zabt etish, shuning barobarida davlatimiz bayrog'ini ko'klarga ko'tarishga astoydil harakat qilishini aytdi. 

Ikrom XUDOYBERGANOV, Urganch shahridan