Dzyudochimizlarimiz Ozarbayjonda 35 davlat orasida birinchi bo'lishdi

Dunyoning 35 davlatidan 212 nafar para dzyudochi ishtirok etgan nufuzli musobaqada O'zbekiston terma jamoasi azolari ham munosib tarzda yurtimiz sharafini himoya qilishdi. 

Ikkinchi kungi bahslarda 4 dzyudochimiz tatamiga chiqqan bo'lsa, ulardan 3 nafari sovrindorlar safidan joy oldi. Erkaklar o'rtasidagi +100 kg vazn toifasidagi bahslarda tatamiga chiqqan SHirin SHaripov barcha raqiblarini mag'lub etib, oltin medalni qo'lga kiritdi. 

Ayollar o'rtasida -63 kg vazndagi bellashuvlarda o'z mahoratini namoyish etgan Nafisa SHeripboeva ham shoxsupaning eng yuqori pog'onasiga ko'tarildi. -70 kg vazn toifasidagi vakilamiz Vasila Aliboeva esa bronza medali bilan taqdirlandi. -100 kg vaznda ishtirok etgan London-2012 Paralimpiya o'yinlari kumush medali sovrindori SHarif Halilov ilk uchrashuvdayoq ozarbayjonlik Kanan Abdullaxanliga yutqazib qo'ydi.

SHu tariqa, 4 ta oltin, 4 ta bronza medalini qo'lga kiritgan O'zbekiston terma jamoasi 35 davlat orasida umumjamoa hisobida birinchi o'rinni egalladi. Mezbonlar Ozarbayjon terma jamoasi 3 ta oltin, 4 ta kumush, 4 ta bronza medali bilan ikkinchi o'rinni band etishdi. Kuchli uchlikka 1 ta oltin, 1 ta kumush, 2 ta bronza medali bilan Ukraina dzyudochilari yakun yasashdi.  

Dzyudochilarimizning so'nggi kun natijalari:

+100 kg vazn toifasi

1. SHirin SHaripov (O'zbekiston)

2. Muhammadrizo Xeyrollahzoda (Eron)

3. Revaz CHikoidze (Gruziya)

3. Kento Masaki (Yaponiya)

-63 kg vazn toifasi

1. Nafisa SHeripboeva (O'zbekiston)

2. Olga Pozdnisheva (Rossiya)

3. Xanim Xuseynova (Ozarbayjon)

3. YU E Vang (Xitoy)

-70 kg vazn toifasi

1. Fabiola Ruvalkaba Alvares (Meksika)

2. Alana Martins (Braziliya)

3. Vasila Aliboeva (O'zbekiston)

3. Olga Zabrodskaya (Rossiya)