Eddi Xirn: "Ennis boshqa chempionlar bilan jang qilishni xohlayapti"

— WBA Rayan Garsiya — Rolando Romero hamda Jeyron Ennis — SHahram G'iyosov janglari g'oliblari o'rtasida jang o'tkazishni buyurdi. Bu haqda qanday fikrdasiz?

"Bu ajoyib yangilik. Menimcha, Rayan Garsiya Rolando Romeroni mag'lub etadi. Romeroning Ennisga qarshi jangini ham ko'rishni istardim. Ammo shuni ayta olamanki, Jeyron boshqa chempionlar bilan jang qilishni xohlaydi. Biroq G'iyosov bo'yicha savol tug'iladi. Menimcha, Ennis Brayan Norman bilan jang qilmoqchi. SHuningdek, Turki al ash-SHeyx Jeyronning Teofimo Lopes bilan jang qilishini xohlaydi. Jeyron Ennis Stanionisga qarshi bahsdan so'ng boksdagi eng qizg'in muhokama ostidagi yigit bo'lib turibdi. U boksning kelajagi ekanligini hamma biladi. Biz aql bovar qilmaydigan holatdamiz va Jeyron Ennis manfaatlarini ko'zlab harakat qilamiz. Biz kelasi hafta uchrashamiz va barcha variantlarni muhokama qilamiz", dedi Xirn.

Garsiya va Romero Ennis super chempion sifatida elon qilinganidan so'ng vakant bo'lib qolgan WBA chempionlik unvoni uchun kurashadi. Jang 2 may kuni bo'lib o'tadi. SHahram G'iyosov esa Ennisning WBA Super Champion kamari uchun bahs olib boradi.