Eddi Xirn G'iyosovning vaznidagi chempionlik jangi haqida: "Bu 2025 yilning AQSHdagi eng katta jangi bo'ladi"

"Bu AQSHda joriy yil hisobidan o'tkaziladigan eng katta jang bo'ladi. Hukmronlik uchun kurash. Birinchi va ikkinchi raqamlilar jangi. WBA, IBF va The Ring kamarlari xavf ostida. Bu vazndagi eng yaxshi jang. Stilistik jihatdan ham eng zo'ri. 

Stanionis hali ham "yirtqich". Unga "pauza" kerak emas. Doimo bezovta yuradi. Ennis juda xursand, chunki bu jang uning hammaga qanchalik yaxshi ekanligini ko'rsatish imkoniyatini beradi. Men bu jangni intiqlik bilan kutyapman", dedi Xirn.

Eslatib o'tamiz, birlashtiruvchi chempionlik jangi 12 aprel kuni AQSHning Atlantik-Siti shahrida bo'lib o'tadi. O'sha kuni yarimo'rta vazn toifasidagi bokschimiz SHahram G'iyosov ham davogarlik jangini o'tkazadi. G'alaba qozonish orqali hamyurtimiz Stanionis — Ennis g'olibi bilan jang qilish imkoniyatini qo'lga kiritadi.