"Boladan konfet olib qo'yishdek oson". Xirn Uayt bilan mojaro haqida gapirdi

— Jang haftasidagi matbuot anjumanlarida nima bo'ladi deb o'ylaysiz? U har doimgidek sahnaning markazida bo'ladimi?

— U faqat biz ruxsat bersakkina u erda bo'ladi. Mening bundan muammom yo'q. Aksincha, jang qanchalik katta shov-shuvga aylansa, shunchalik yaxshi. Hozir hamma shu haqda gapiryapti. Qaysi mamlakatda bo'lishimdan qati nazar, odamlar: "Eddi Danani er bilan yakson qildi", deyishyapti. Bu jang uchun foydali.

Rostini aytsam, uni matbuot anjumaniga chiqarishdan mamnun bo'lardim. Lekin bizga haqiqiy bahslashish imkoniyatini berishlari kerak. Agar kimdir mendan bitta savol so'rab qo'ya qolsa, bu qiziq bo'lmaydi. Men bilan u bir sahnada bo'lsa, tomoshabinlar haqiqiy shou ko'rishadi.

— Uni ko'rishingiz bilan birinchi nima der edingiz?

— Men bunday narsalarni oldindan rejalashtirmayman. O'sha paytda xayolimga nima kelsa, shuni aytaman. Boks sanoati haqida unga beriladigan savollar juda ko'p. Rostini aytsam, bu xuddi bolaning qo'lidan konfetini olib qo'yishdek oson bo'lardi.

— Yana bolalar haqida gapiryapsiz. Avval "bolalarni urish" degandingiz, endi esa "konfetini olish"?

— Yo'q, men bolalarni urmayman. Faqat bittasining konfetini olib qo'yaman, xolos. Menimcha, bu ancha yumshoqroq o'xshatish, — dedi Xirn Ariel Helwani YouTube kanaliga bergan intervyusida.