29 okt 12:10
Yangiliklar

Boks/MMA

Eddi Xirn Jek Ketterol - Teofimo Lopes jangini tashkil qilmoqchi

Britaniyalik promouter Eddi Xirn birinchi yarimo'rta vaznda WBO Interim chempioni Jek Ketterol va ushbu yo'nalishda to'laqonli jahon chempioni Teofimo Lopes o'rtasida jang tashkil qilmoqchi ekanligini aytdi.

"Teofimo Lopesga kelsak, u juda yaxshi jangchi bo'lsa ham, biz uni "urish"ni istardik. U katta yulduz va men uning Manchesterga kelishiga shubha qilaman, ammo bu muhim shou bo'lardi – tasavvur qiling-a, Teofimo Lopes Buyuk Britaniyaga olib kelingan.

Ha, Lopesning bu erga kelishi dargumon, lekin agar u manfaatdor bo'lsa va roziligini bersa, biz buni tashkil etishga tayyormiz", dedi Xirn BoxingScene bilan suhbatda.

Eslatib o'tamiz, 27 oktyabr tongida Ketterol sobiq jahon chempioni Rejis Progreysni ochkolar hisobiga ko'ra mag'lub etgan edi.