Eddi Xirn Joshua - Xelenius jangi haqida gapirdi

Xirnning so'zlariga ko'ra, Joshua allaqachon bunday janglarda tajribaga ega. 2019 yilda u doping-testdan o'ta olmagan Jarrel Miller o'rniga so'nggi lahzalarda ringga chiqqan Endi Ruizga muddatidan oldin mag'lub bo'lgan edi.

"Joshua katta favorit, ammo bu oddiy emas. Bilasizmi, oxirgi marta Entoni jangi oldidan doping-test sinovi bilan bog'liq muammolar tufayli raqib kech almashtirilgandi. O'shanda nima sodir bo'lgandi. Albatta, biz shanba kuni takrorlanishini istamaymiz.

Bu jismoniy va psixologik nuqtai nazardan men ko'rgan eng yaxshi Joshua. Uni shanba oqshomidagi chiqishini ko'rmoqchiman. U Derrik Jeyms bilan 12 hafta davomida qattiq ishladi. Joshua buni o'tkazib yuborishga tayyor emas edi", - dedi Xirn.

Eslatib o'tamiz, Joshua va Xelenius o'rtasidagi jang 12 avgust kuni Londonda bo'lib o'tadi.