Eddi Xirn: "Joshua yana 3-4 ta jangdan so'ng faoliyatini yakunlaydi"

"Entoni Joshua bir necha yildan so'ng o'zini boksda ko'rmasligini aytdi. U yana 3-4 ta jang o'tkazib, faoliyatini tugatmoqchi. Barcha Uaylderga qarshi jang savdosi bo'yicha gapirmoqda. Ammo gonorarlarni 50/50 ko'rinishida taqsimlash adolatdan bo'ladi. 

Odamlar xech qachon elit superog'ir bokschi bo'lmagan Deontey Uaylderni yuqori baholashadi. U xech qachon divizionning eng kuchli besh bokschisi qatorida bo'lmagan. Uning eng yaxshi g'alabasi - Luis Ortis. 

Joshua Uaylderni mag'lub etadi va keyin Fyuri bilan jang qiladi. Ularning jangi sport tarixidagi eng yirik voqelik bo'ladi", - dedi Xirn.