Egizak Karimov va yana uch kurashchimiz Polsha turnirida shohsupaga ko'tarilishdi

Respublika olimpiya zaxiralari kollejining sport kurashlari bo'limida tahsil olayotgan yosh erkin kurashchilarimiz - Amirxon va Hojixon Karimov, Abdulloh Mashrabov, Yakkakurash sport turlariga ixtisoslashtirilgan bolalar-o'smirlar sport maktabi tarbiyalanuvchilari SHohruh Raimov va Ozodbek Ozodbekov Polshada o'tkazilgan xalqaro turnirda muvaffaqiyatli ishtirok etishdi. 

Etiborlisi, Sanjar Mashrabov shogirdlarining bari Polsha, Germaniya, Slovakiya, Rossiya, Moldova, Ukraina va Bolgariyadan yosh kurashchilar ishtirok etgan musobaqada shohsupaga ko'tarilgan. Egizak Karimovlar bitta vaznda qatnashib, finalga etib kelishdi. Odatga ko'ra finalda bir-birlariga qarshi gilamga chiqishmadi va oltin, kumush medallarni bo'lishib olishdi. 

SHohruh Raimov va Ozodbek Ozodbekov kumush medalni qo'lga kiritdi, Abdulloh Mashrabov xalqaro turnirning bronza medaliga sazovor bo'ldi. 

Endi yosh kurashchilarimiz Greciyaga yo'l olishadi. Olimpiadaning tarixiy vatanida, aniqrog'i Krit orolida o'smirlar o'rtasida xalqaro turnir o'tkaziladi.