06 apr 07:46
Yangiliklar

Sport kurashlari

Egizak Karimovlar AQSHni zabt etish uchun okean ortiga jo'nab ketishdi

Erkin kurash olamida ancha tanilib qolgan egizak Amirxon va Hojixon Karimovlar AQSHga yo'l olishdi.

Egizak erkin kurashchilarimiz okean ortida o'tkaziladigan ikki nufuzli xalqaro musobaqada yurtimiz sharafini himoya qiladilar. Xalqaro turnirning dastlabkisi 9-10 aprel kunlari Nyu-York shahrida bo'lib o'tadi. Musobaqa yakunlangach, shu erning o'zida ishtirokchilar uchun xalqaro o'quv-mashg'ulot yig'ini tashkil etiladi.

Ikkinchi xalqaro musobaqa esa 21-25 aprel kunlari Pensilvaniyada o'tkaziladi. Unda Karimovlar Olimpiada chempioni Devid Teylorning jamoasi nomidan gilamga chiqadilar. SHu kungacha egizak Karimovlar bitta vazn toifasida musobaqalarda ishtirok etib kelishayotgan edi, Pensilvaniyadagi turnirda esa ular mos ravishda 40 va 43 kg vaznda medallar uchun kurashishadi.