10 noy 15:22
Yangiliklar

Sport kurashlari

Egizak Karimovlar Polsha va Greciyadagi turnirga jo'nab ketishdi

Respublika olimpiya zaxiralari kollejining sport kurashlari bo'limida tahsil olayotgan yosh erkin kurashchilarimiz - Amirxon va Hojixon Karimovlar Polsha va Greciyada o'tkaziladigan xalqaro turnirda ishtirok etadi.

Yosh kurashchilarimiz ham murabbiy, ham otalari Kamoliddin Karimov boshchiligida Polsha davlatiga jo'nab ketishdi. Ushbu xalqaro turnirda mezbonlardan tashqari Germaniya, Slovakiya, Rossiya, Moldova, Ukraina va Bolgariyadan yosh kurashchilar ishtirok etadi.

Polshadagi turnir yakunlanishi bilan, yani 17 noyabr kuni ular Greciyaga yo'l olishadi. Olimpiadaning tarixiy vatanida ham, aniqrog'i Krit orolida o'smirlar o'rtasida xalqaro turnir o'tkaziladi. Egizak Karimovlar xorijda ancha taniqli hisoblanishadi.